“Unë besoj ende. Besoj se Aleanca për Shqiptarët do të mbetet besnike ndaj rrugës së saj – rrugës së Arbrit, të dinjitetit dhe guximit. Dhe besoj se, me vullnet të ndërsjellë, mund ta gjejmë formulën për të çliruar çdo komunë shqiptare nga keqqeverisja e BDI-së”, ishte ky postim i Arben Fetait që ngriti dyshime nëse po ndjekë rrugën e Arben Taravarit ose të VLEN. Në lidhje me këtë, në Daily Clcik u pyet sekretari i përgjithshëm i ASH-së, Blerant Ramadani, që siç tha, ai është qëndrim i Fetait dhe shtoi se edhe ASH-ja ka qenë historikisht kundër parregullsive që ka bërë pushteti i kaluar.
“Deri në këto momente që flasim, unë kam informacione se z.Fetai është zv.ministri i votuar nga Kuvendi i Aleancës për Shqiptarët dhe ai vazhdon të bashkërendisë aktivitetet tona. Çdo mendim ndryshe është mendim për të cilën ne nuk e kemi të instalojmë diktaturën dhe të ndalojmë paraqitjen sidomos në rrjetet sociale personale të tyre. Une e lexova statusin, ai është qëndrim i zotëri Fetait, por edhe në përgjithësi në qoftë se e analizon edhe historikun e ASH-së, ne në asnjë moment nuk jemi pajtuar me parregullsitë që i ka bërë pushteti i kaluar, bile fuqimisht i kemi kundërshtuar ato. Tani jemi në momentum të ri, ne jemi pjesë e qeverisë dhe kemi marrë përgjegjësi. Më shumë nga ne qytetarët presin punë praktike se sa kritika”, tha Ramadani.
https://www.facebook.com/tv21hd/videos/1315139552923161/?ref=embed_video
