Kryetari i Aleancës për Shqiptarët (ASH), Arben Taravari, ka shpërndarë një postim në rrjetet sociale ku tregon se po bëhen gjithnjë e më të qarta arsyet e largimit të tij nga Qeveria para një jave.
Taravari përmendi rastin e motrave medicinale të spitalit të Tetovës, të cilat sipas tij janë lënë pa vendim dhe pa paga.
“Arsyet pse kam lëshuar këtë Qeveri po bëhen gjithnjë e më shumë të qarta. Një rast i dhimbshëm është ai i motrave medicinale të spitalit të Tetovës të cilat janë pa vendim dhe pa rrogë. I kërkoja me insistim punësimet e tyre, por VLEN e kundërshtonte, sepse ata donin punësime partiake!!!”, ka shkruar Taravari.
Kujtojmë se ai u largua nga Qeveria javën e kaluar, duke shprehur pakënaqësinë e tij me qeverisjen aktuale.(INA)
