Një ari ka mbytur dhe ngrënë gjashtë dele në një stan delesh në afërsi të fshatit Raven të Gostivarit.
Rasti është regjistruar nga Qendra për Menaxhimin e Krizave (QMK) mëngjesin e sotëm, transmeton Portalb.mk.
“Denoncuesi ka informuar se rasti ka ndodhur dy ditë më parë, më 11 qershor. Fusha ku ka mbajtur tufën ka qenë në periferi të fshatit Raven”, njoftoi QMK.
Së fundi janë shqetësuese rastet e paraqitjes gjithnjë e më të shpeshtë të arinjve në zonat e banuara, sidomos në pjesën veriperëndimore të vendit.
Gjuetia e arinjve është e ndaluar në Maqedoninë e Veriut. Por kjo specie është shumuar shumë, sidomos në parqet kombëtare “Mavrovë” dhe “Malin Sharr”.
Më alarmante ka qenë në fshatin Rekë të Zhirovnicës, sidomos gjatë verës dhe vjeshtës së vitit të kaluar, kur arinjtë kishin tentuar të hynin edhe nëpër shtëpi të fshatit.(INA)
