Policia shqiptare arrestoi një shtetas të Maqedonisë, 45 vjeçar, teksa po tentonte të largohej nga Shqipëria me pasaportën e një shtetasi serb.
“Pas kontrolleve të hollësishme të kryera nga policia, në bashkëpunim me Interpol Tirana, u konstatua se personi Xhengiz Sejdi alias Xhengis Iseini është në kërkim nga organet e Maqedonisë së Veriut, pasi Prokuroria ka caktuar masën e sigurisë arrest me burg për veprën penale vrasje”, thuhet në njoftimin e policisë.
Sipas njoftimit, Interpol Tirana në bashkëpunim me kolegët e Maqedonisë vijojnë procedurat për ekstradimin e të arrestuarit.(INA)
