Në vendkalimin kufitar “Tabanoc”, nëpunës policorë kanë privuar nga liria personin XH.S.(42) nga Shkupi, për shkak të dyshimit për kryerjen e veprës penale “importim i mallrave të përfituara ilegalisht në mbrojtje të përkohshme, trashëgimi kulturore dhe raritet natyror” sipas nenit 266-b të Kodit Penal.
Siç bënë të ditur nga MPB, gjatë kontrollit plotësues nga ana e nëpunësve policorë te J.S., i cili në vendkalimin kufitar ka mbërritur me veturë “Volvo” me targa të Shkupit, në pronësi të tij dhe i drejtuar nga E.E.(39) nga Shkupi, janë gjetur monedha të vjetra me madhësi të ndryshme.
“Sendet e gjetura janë sekuestruar dhe së bashku me të arrestuarin i janë dorëzuar nëpunësve policorë nga SPB Kumanovë për procedurë të mëtutjeshme. Pas dokumentimit të plotë të rastit, do të vijojë parashtresa përkatëse”, qëndron në kumtesën e MPB-së.