Arrihet marrëveshja mes shqiptarëve dhe maqedonasve

Katër partitë më të mëdha shqiptare dhe maqedonase kanë arritur marrëveshjen e shumë pritur, e cila i jep fund problemeve të brendshme disavjeçare në Maqedoninë e Veriut.

Marrëveshja e cila mbanë vulën e Zaevit, Mickoskit, Ahmetit dhe Selës, parasheh zbatimin e gjuhës shqipe në gjithë territorin e vendit, 40 për qind e buxhetit të shtetit do të shkojnë në investime kapitale dhe infrastrukturore në gjitha venbanimet shqiptare.

Pjesë e marrëveshjes është edhe ndryshimi i flamurit dhe simboleve shtetërore, ku do të ketë edhe elemente shqiptare dhe të komuniteteve e tjera.

Gjithashtu në marrëveshje parashihet që shqiptarët të ketë të drejtën e vetos në vendimmarrje në institucionet më të larta shtetërore.

Marrëveshja parasheh edhe shumë pika tjera të cilat i shtojnë kompetenca në menaxhimin e financave dhe krijimin e politikave fiskale komunave shqiptare.

E njëjta është përshëndetur nga faktori ndërkombëtar dhe shihet si mundësi për integrimin e vendit në familjen evropiane si krijimin e mundësive për një bashkëjetesë mes të gjitha komuniteteve mbi parimin e lirisë dhe barazisë.

Ky do të ishte një lajm i mirë, po e keqja është se sot është 1 prilli, dita e gënjeshtrave.(INA)