Arsenal zhgënjeu mbrëmjen e djeshme, ku në “Etihad Stadium”, “qytetarët” e Manchester City mundën “topcinjtë” në një ndeshje të vlefshme për raundin e 1/16-ve, të Kupës së Anglisë, “FA Cup”.
Në një prononcim për mediat, pas ndeshjes, tekniku spanjoll i Arsenal, Mikel Arteta ka analizuar humbjen ndaj qytetarëve, ku shfaqi haptazi dhe pakënaqësitë për performancën e skuadrës së tij.
“Për momentin është zhgënjim sepse ne jemi jashtë. Mund të kishim marrë shumë më tepër nga kjo ndeshje dhe nuk kemi bërë. Ndoshta kur ta rishikoj ndeshjen nesër do të dali në pah se ne luajtëm vërtet një lojë të nivelit të lartë dhe i bëmë gjërat vërtet të vështira për ta, por na mungonte diçka për të fituar kundër një skuadre si City.”,- është shprehur Arteta. /i.m /abcnews.al
