Aleanca për Shqiptarë ka reaguar ndaj punës së Agjencisë për Siguri Kombëtare duke theksuar se ne kundërshtim me Ligjin kanë bllokuar mbi 20 000 qytetarë në realizimin e së drejtës së tyre themelore për shtetësi, nga e cila varen shumë të drejta tjera njerëzore, si arsimimi, puna dhe shëndeti.”
“Kryeministri Kovaçevski, me apo pa dashje, konfirmoi se beteja jonë për t’i dhënë fund pashtetësisë është e drejtë dhe e domosdoshme.
Agjencia për Siguri Kombëtare në mënyrë krejt arbitrare dhe në kundërshtim me ligjin, është duke bllokuar mbi 20 000 qytetarë në realizimin e së drejtës së tyre themelore për shtetësi, nga e cila varen shumë të drejta tjera njerëzore, siç janë arsimimi, puna dhe shëndeti. Një Zot e di edhe sa mijëra qytetarë tjerë kanë hequr dorë ndër vite nga e drejta e tyre, përballë obstruksioneve dhe shkeljeve të së drejtave të tyre nga administrata shtetërore.
Ne do të vazhdojmë të angazhohemi për çdo ditë për zbatimin e plotë dhe jodiskriminues të ligjit për shtetësi dhe për shtet të së drejtës ku asnjë qytetar nuk guxon të privohet arbitrarisht nga një e drejtë themelore që i takon me ligj. Ata që pafytyrësish gënjenin, manipulonin me numra dhe janë përgjegjës për obstruksionet e përditshme që u bëhen qytetarëve pa shtetësi, i mbuloftë turpi!”, thuhet në reagimin e ASH-së.
