Poliko Avdiu, një rrobaqepës në fabrikën e tekstilit “Textile Solution” në Shkup thotë se është i kënaqur me rritjen e pagës minimale në 18 mijë denarë.
Ai me këtë deklaratë ka bërë bujë në rrjetet sociale, ku dje në një konferencë të përbashkët me kryeministrin Dimitar Kovaçevski theksoi se ka gjetur kushte të njëjta pune si në Gjermani dhe se paga minimale prej 18 mijë denarëve është mjaftueshëm për një jetë modeste.
“Unë jam i kënaqur. Kam punuar në Gjermani për 18 vjet. Unë u largova nga Gjermania. Unë pata fat në këtë kompani, u punësova tetë vjet më parë dhe mendoj se i gjeta kushtet njësoj si në Gjermani. Të rinjtë thonë se do të shkojmë në Gjermani, por jeta atje nuk është ashtu siç mendojmë. Tani 18.000 denarë mendoj se nuk janë shumë, por për një jetë modeste do të ikin. “Mendoj se pagat do të vazhdojnë të rriten, nëse punojmë më shumë, drejtorët na sjellin makineri të reja dhe produktiviteti do të rritet”, tha Avdiu.
Ai uroi kryeministrin Kovaçevski dhe ministren Trençevska që sot ishin mysafirë të kompanisë ndërsa deklaratën e tij mund ta shihni këtu.
