Zëvendësministrja e Drejtësisë e RMV-së, Viktorija Avramovska-Madiq mbrëmë në televizionin Sitel tha se përfshirja e kombeve të tjera në Preambulën e Kushtetutës nuk do të rrezikojë identitetin e popullit maqedonas.
“Më vjen keq që opozita nuk pranoi të marrë pjesë në grupin punues për ndryshimet kushtetuese. Propozues i ndryshimeve kushtetuese është qeveria, që teksti të vijë në Kuvend, dikush duhet ta përgatisë, t’ia japë Qeverisë dhe pastaj ia propozon Kuvendit”, thekson Avramovska Madiq.
Zëvendësministrja e Drejtësisë Viktorija duke iu referuar grupit punues, tha se pritet që së shpejti të kompletohet me ekspertë dhe të përcaktohet mënyra dhe metodologjia e punës, ka 80 deputetë, procedura për ndryshime kushtetuese do të vazhdojë në Komisioni për Çështje Kushtetuese. “Do t’ia lëmë grupit punues të deklarojë se çfarë mendojnë se duhet të përfshihet në amendamentet”, tha Avramovska-Madiq.
