Babai i Dea Mishel, Bujar Hoxha vlerëson se bija e tij duhet të jetë fituese e këtij edicioni të Bigbrother.
Në një intervistë për emisionin “Ëake Up” ai ka folur edhe për aktoren Olta Gixhari, duke e vlerësuar si fituese morale të këtij Big Brother.
Pjesë nga intervista:
Bujar Hoxha: Doja të përshëndesja një nënë që ka luftuar atje me një zemër të plagosur.
Blendi Salaj: E ke fjalën për Oltën.
Bujar Hoxha: Do ta thosha në fund emrin. Sinqerisht ka ditur të luftojë dhe ta fashojë aq bukur atë zemrën pa u viktimizuar asnjëherë atje brenda, asnjëherë nuk ka dashur ajo që të marrë pëlqime nga jashtë se ajo qe veç me djalin. Për mua është fituesja morale e Bigut dhe për këtë nuk ma ndërron asnjëherë mendimin. U tregua më burrë se të gjithë ata që i thonë vetes burrë atje brenda me daljen që bëri. Në fund ajo i vuri shqelmin lekëve dhe zgjodhi dashurinë. Të gjithë të tjerët po zgjedhin paratë dhe nuk po zgjedhin dashurinë, kjo është e keqja në shoqërinë tonë. Po shkelen ndjenjat, po shkelen virtytet, moralin e kanë bërë copë, moralin unë nuk e di nëse ekziston më si fjalë në fjalorin tonë.
