Bajern Munihu, vendos rekord të ri në Ligën e Kampionëve

Bajern Munihu mposhti Plzenin në Ligën e Kampionëve me rezultat 5:0, duke vendosur një rekord të ri në Ligën e Kampionëve.

Figura kryesore e mbrëmjes në Mynih ishte fakti që në 31 ndeshje radhazi, skuadra bavareze nuk njeh disfatën në fazën e garave në grupe, e që paraqet një rekord të ri në Ligën e Kampionëve.

Herën e fundit që skuadra e Bajern Munihut humbi një ndeshje në garat në grupe në Ligën e Kampionëve ishte në vitin 2017 (0:3 ndaj PSZH-së).

Që atëherë, Bajerni numëron 28 fitore dhe 3 barazime. Dhe në të gjitha këto ndeshje skuadra gjermane ka arritu që të shënojë gol. Rekordi i mëparshëm ishte në pronë të Real Madridit që numëronte 30 ndeshje pa disfatë (2017). /abcnews.al/