Deputetja e LDK-së, Hykmete Bajrami, tha pas seancës se nuk janë të gatshëm për marrëveshje politike për zgjedhjen e kryetarit të Kuvendit.
Bajrami u shpreh para gazetarëve se LDK-ja nuk do të votonte asnjë kandidat të tyre për shkak se janë shkelës të vazhdueshëm të Kushtetutës.
“Ne jemi shprehur disa herë që nuk jemi të gatshëm për marrëveshje politike. Për LDK nuk ka asnjë kandidat të cilin do ta votonim për shkak të historisë së tyre për shkak se janë shkelës të vazhdueshëm të Kushtetutës. Një grup i juristëve të LDK-së janë në proces të kallëzimit penal për shkeljet që po bëhen nga VV-ja” tha Bajrami.
