“Ballkani i Hapur” hap kufijtë për punëtorët nga Maqedonia e Veriut, Serbia dhe Shqipëria

Iliria News Agency
Iliria News Agency

14/02/2023

Qeveria e Republikës së Maqedonisë së Veriut përgëzoi miratimin e Ligjit për ratifikimin e Marrëveshjes për kushtet për qasje të lirë në tregun e punës në Ballkanin Perëndimor dhe Ligjit për ratifikimin e Marrëveshjes për ndërlidhje të skemave për identifikim elektronik të qytetarëve të Ballkanit Perëndimor në mbledhjen e djeshme parlamentare.

Me ratifikimin e këtyre marrëveshjeve, të lidhura me nismën “Ballkani i Hapur”, më në fund bëhet realitet qytetarët e Maqedonisë së Veriut, Serbisë dhe Shqipërisë të mund të punojnë në cilindo nga tre shtetet pa marrë leje pune, pa asnjë pengesë, pa aplikime dhe pritje, pa shpenzime administrative.

Lehtësim shtesë do të sigurohet edhe me marrëveshjet për njohje të diplomave dhe kualifikimeve profesionale.

Përfitimet e mëdha të këtyre marrëveshjeve janë se hiqen pengesat për punësim, ndërsa qytetarët do të mund të punojnë në të gjitha vendet me numër unik identifikimi, pa ndonjë procedurë shtesë.

Qytetarët do të mund të marrin numër identifikimi “Ballkani i Hapur” në portalin e tyre nacional për e-Qeveri ose në portalin e tyre nacional për identifikim elektronik.

Numri unik për identifikim është identifikim elektronik me të cilin ka qasje në shërbimet elektronike në vendin ku personi ka marrë numrin.

Me marrjen e konfirmimit për numrin e identifikimit “Ballkani i Hapur”, fitohet qasje e lirë në tregun e punës.

Numri për identifikim “Ballkani i Hapur” bëhet edhe bazë për marrjen e numrit unik amë për një të huaj, ndaj nuk ka më procedura për leje qëndrimi.

Me ratifikimin e marrëveshjeve forcohet konkurrenca në rajon, sepse kompanitë do të mund të llogarisin pa ndërprerje në fuqinë punëtore të tre vendeve, gjë që do të ndikojë edhe në konkurrencën e tregut të punës dhe rritjen e pagave.

Me këtë ndihmojmë kompanitë dhe odat ekonomike nga të tre shtetet, të cilat prisnin zbatim të shpejtë të kësaj mase me të cilën liberalizohet tregu rajonal i punës.

Bëhet fjalë për ndihmë dhe lehtësim të madh për kompanitë që kanë përfaqësitë e tyre në Maqedoninë e Veriut, Serbi dhe Shqipëri, me qëllim të hapjes më të lehtë të vendeve të punës dhe angazhimit më të lehtë të kuadrove të punës dhe për t’u siguruar atyre paga të mira dhe kushte të mira pune.

Bëhet fjalë për konkurrencën rajonale në tregun e punës, e cila sigurisht do të kontribuojë drejt rritjes së pagave.

Marrëveshjet e nismës “Ballkani i Hapur” u nënshkruan më 21 dhjetor 2021 në Tiranë nga përfaqësuesit e tre vendeve, Republikës së Maqedonisë së Veriut, Serbisë dhe Shqipërisë.

TË FUNDIT

ME TE LEXUARA

LEXO MË SHUMË

stevo pendarovski

Pendarovski: Nuk ka plan “B” për ndryshimet kushtetuese, vetëm plan “A”

bujar osmani

Osmani: Marrëveshja e Ohrit ma ka mundësuar që të mbërrij të bëhem kryetar i gjysmës së botës!

Arben Taravari VLEN

Taravari: Maqedonia e Veriut prodhuese e sigurisë – BE, SHBA dhe NATO janë aleatët tanë të pazëvendësueshëm

Pançe Toshovski

Toshkovski: Atmosfera parazgjedhore është e qetë dhe pa incidente

mjeke

Anulohet konkursi për punësimin e 1 117 punonjësve shëndetësor

rasti monstra

Rasti “Monstra” do të kërkoj drejtësi në Strasburg

spital-infermiere-mjeke shendetesi

Çdo muaj nga 12 infermiere ikin nga Maqedonia e Veriut

gruaja dhune burri rrahje

Gruaja nga Piroku e rreh rëndë me shuplaka burrin nga Gostivari

SONY DSC

Moti i ngrohtë “pushton” plazhet, fluks pushuesish në bregdetin shqiptar

INFO

NA NDIQ