Mario Baloteli ka marrë pjesë në takimin e zakonshëm me “Vox to box” në “TvPlay Twitch”. Ai ka komentuar edhe Rafa Leaon, duke deklaruar se:
“Nëse Leao do të punonte gjithmonë aq fort sa kundër Napolit, do të ishte shkatërruese.
Në futbollin italian tanimë nuk ka mbetur asgjë për të thënë, ndaj njerëzit kapen te marrëzitë si reagimi për zëvendësimin e Zhirusë dhe Leaos ndaj Napolit”.
Më pas një koment nga ana e sulmuesit ka ardhur mbi luftën në Serinë A.
“Mes Juves, Napolit dhe Milanit është një sfidë e mirë për të shkuar në vendin e dytë, nëse arrijnë të kalojnë përpara Interit, do të ishte akoma më mirë për ta.
Për momentin, megjithatë, Interi më duket se është një ekip superior ndaj gjithë të tjerëve, edhe pse të flasësh për titullin që në nëntor është gjithmonë e ndërlikuar.
Sidoqoftë, nuk mendoj se trajneri më i mirë italian është Pioli”, përfundoi Baloteli.
