Vazhdon rritja e çmimeve të pronave të patundshme në Maqedoni. Nga sektori i ndërtimtarisë thonë se në ndërtesë të sapondërtuar në komunën Qendër, një metër katror hapësirë banimi lëviz nga 1600 deri në mbi 2000 euro.
Në Karposh çmimet lëvizin nga 1300 deri në 1800 euro, ndërsa banesat e reja në Aerodrom nga 1300 deri në 1500 euro. Në Çair çmimi ka kaluar 1000 euro dhe e njëjta gjë po ndodh në Manastir dhe në Ohër ku tashmë çmimet janë mbi 1300 euro për metër katror.
Çmimet e banesave
Qendër 2000 euro
Karposh 1800 euro
Aerodrom 1500 euro
Çair 1000 euro
Manastir 1000 euro
Ohër 1300 euro
Ndërtuesit arsyetohen me rritjen e çmimeve të materialeve ndërtimore, por edhe rritjen e pagave të punëtorëve të ndërtimit të cilët janë gjithnjë e më pak për shkak të largimit masiv për në vendet e BE-së.
Banka Popullore ka publikuar një raport ku thuhet se në tremujorin e parë të vitit ka pasur rritje të çmimit të banesave në krahasim me periudhën e njëjtë të vitit të kaluar, për afro 20 për qind. Të dhënat e Bankës Popullore tregojnë se në tre muajt e parë të vitit ka rritje të çmimeve në krahasim me tremujorin e katërt të vitit të kaluar për 1.5 për qind. Informacionet thonë se ka rritje të kontratave të qirasë, por rënie të numrit të banesave të shitura./Alsat
