Bankat në Maqedoninë e Veriut vijojnë të jenë biznes me leverdi.
Edhe përkundër krizës dhe pandemisë, bankat viteve të fundit kanë qenë rentabile dhe me sukses, duke përfituar miliona euro, sidomos nga kamatat e kredive dhe të hyra tjera nga shërbimet.
Një nga bankat që ka mbyll me shumë sukses vitin 2021 është Banka Komerciale. Kjo bankë gjatë vitit të kaluar ka dal me fitim prej 37.5 milionë euro, përcjell INA.Sipas të dhënave fitimi i saj ka qenë 21% më i lartë se gjatë 2020.
Gjatë kësaj periudhe banka ka dhënë 42 milionë euro kredi, ose 5 për qind më shumë se në fund të vitit 2020. Pozicioni i përgjithshëm kreditor i bankës (pa kreditë bankare) është 870.5 milionë euro. Diku gjysma e tyre janë investimet në letrat me vlerë të qeverisë, të cilat janë rritur në krahasim me një vit më parë me 11 për qind.
Në fund të vitit 2021, banka ruan 12% më shumë depozita se në vitin 2020. Niveli i depozitave është 2.12 miliardë euro.(INA)
