Arben S. nga Kumanova është klient i “Stopanska Bankës”. Një ditë më parë ai shkoi në një nga filialet e bankës me një kontratë në gjuhën shqipe, përmes të cilës donte ta realizonte një pagesë.
Të punësuarit aty i thanë se, kontratën duhet ta përkthesh në gjuhën maqedonase. Arbeni refuzoi kategorikishtë, duke qenë i vetëdijshëm se ligji i mundëson përdorimin e gjuhës shqipe, në të gjitha institucionete vendit.
“Refuzova për shkak të parimeve. Unë jam njohës i mirë i gjuhës maqedonase dhe mund ta përktheja për 10 min. Por kërkova ta realizoj të drejtën time që më takon. Do të ishte normale që banka ta siguroj një përkthyes sepse asaj i nevojitej dokumenti”, thotë Arbeni për agjencinë e lajmeve INA.
Por nuk është vetëm Arbeni, këso raste kur nuk zbatohet gjuha shqipe janë të përditshme dhe ligji pothuajse nuk funksionon.Problemi është se në shumë banka, punësimi i shqiptarëve është pothuajse zero.
Lidhur me këtë çështje, gazetari dhe analisti Nijazi Muhamedi parashtron një pyetje: Të kujt janë këto banka që na zhvasin dhe nuk duan as të flasin e as të shkruajnë shqip?
“Ç’është ky kolonizim i brendshëm,të kujt janë këto banka që nga shqiptarët vjelin,plaçkisin,grabisin neto fitim 1 milion euro, ose qeveria mbledh direkt 2,5 miliardë euro,ose gjysmën e buxhetit të saj ndërmjet 4,5 milionē euro dhe 5,5 miliardë euro që nga Tetova dhe gjer në Strugë dhe prej tyre komunave ua kthen një sadaka mjerane prej 4 për qind me ca dotacione, kurse buxhetin e tyre burimor e “lejon” të mbushet me taksa mjerane të komunalive dhe ca tatime…?”, ë shtë shprehur analisti Muhamedi për agjencinë e lajmeve INA. (INA)
