Furrë re për djegien e mbeturinave dhe rrethojë për hapësirën te deponia e Drisllës paralajmëroi zv/ministri i parë dhe ministër i mjedisit jetësor, Izet Mexhiti. Këto janë prioritetet dhe investimet e paralajmëruara për këtë ndërmarrje publike me qëllim që shkatërrimi i mbeturinave të bëhet në mënyrë më të sigurt. Mexhiti mendon se kjo do t’i zgjidhë problemet e banorëve të vendbanimeve përreth sidomos të Batincës, të cilët ankohen për ndotje të madhe.
Një nga problemet me Drisllën është edhe ajo që ujërat e zeza lëshohen në Markova Reka me çka ndoten tokat bujqësore që ndodhen përreth. Para një muaji përsëri kishte ndotje kur janë marrë mostra nga lumi kur është detektuar nivel i lartë i ndotjes. Drejtoresha e Inspektoratit shtetëror për mjedisi jetësor Ivana Ginovska thotë se është vërtetuar se ka pasur ndotje për çka do të ketë gjobë.
Banorët e Batincës thonë se përhapet erë e keqe nga Drislla dhe se po ndihen sikur të jetojnë në kontejner. Një pjesë prej tyre erdhën para dyerve të Drisllës por nuk i pranuan që të hynin brenda. Ministri Mexhiti, duke u larguar, u ndal për të biseduar me ta.
Banorët vazhdimisht ankohen se nga djegia e mbeturinave në Drislla ajrin e kanë të ndotur, produktet po ashtu, numri i banorëve të prekur nga kanceri është gjithnjë më i lartë dhe disa herë dolën në protesta.
