Në hyrjen e saj në shtëpinë e “Big Brother VIP”, Loredana u prezantua si një grua e lirë, duke deklaruar se ishte “single” dhe e hapur për një lidhje të re.
Deklarata e saj tërhoqi vëmendjen e publikut, duke lënë të kuptohet se ajo ishte gati për një kapitull të ri në jetën e saj. Megjithatë, një detaj surprizues doli në pah gjatë ditëve të qëndrimit të saj në shtëpi, ku ajo vetë zbuloi se është ende ligjërisht e martuar.
Gjatë një bisede intime me Jozin, një tjetër banore të shtëpisë, Loredana ndau një pjesë të jetës së saj personale që deri tani kishte mbetur e panjohur për publikun. Ajo tregoi për një lidhje të rëndësishme që ka zgjatur më shumë se tre vite dhe, përmes kësaj bisede, zbuloi se, edhe pse e ka përfunduar emocionalisht këtë marrëdhënie, ajo dhe ish-partneri i saj janë ende të martuar nga ana ligjore.
“Ne nuk kemi pasur një dasmë,” – ka thënë Loredana, duke sqaruar se marrëdhënia e tyre nuk ka pasur një ceremoni tradicionale martesore, gjë që e bën historinë e tyre të duket më shumë si një bashkim formal se sa një martesë klasike. Pavarësisht nga kjo, ligjërisht ata mbeten të martuar, një fakt që duket se nuk ka ndikuar në mënyrën se si Loredana e percepton veten sot.
