Në Camp Nou tashmë po mendohet përtej verës së ardhshme. Ndërkohë që nënshkrimi i Nico Williams po konsiderohet si operacioni kryesor ofansiv i merkatos aktuale, drejtuesit sportivë të FC Barcelonës kanë përpiluar një strategji afatmesme për të mbushur një boshllëk që do të shënojë fundin e një epoke: largimin e Robert Lewandowskit.
Sulmuesi polak, që prej mbërritjes së tij në vitin 2022 është kthyer në pikë referimi për repartin ofensiv, pritet të largohet nga klubi në fund të kontratës së tij në vitin 2026. Dhe në radarët e Barcelonës tashmë është një emër i qartë për ta zëvendësuar: Julián Álvarez.
Interesi për sulmuesin argjentinas nuk është i ri, por është intensifikuar pas shpërthimit të tij te Atlético Madrid. Në sezonin e tij të parë me “colchoneros”, Álvarez ka realizuar gati 30 gola, duke tërhequr vëmendjen e klubeve të mëdha evropiane. Megjithatë, Barcelona e sheh atë si gur themeli për një epokë të re ofansive nën drejtimin e trajnerit Hansi Flick.
closevolume_off
Me Lewandowskin që po i afrohet moshës 37-vjeçare dhe pa asnjë ofertë rinovimi në horizont, gjithçka tregon se sezoni 2025-26 do të jetë i fundit për të me fanellën blaugrana. Edhe pse paraqitjet e tij mbeten në nivel konkurrues, klubi dëshiron të paraprijë largimin dhe të sigurojë një tranzicion gradual. Mundësia që sulmuesi polak të transferohet në futbollin arab ka përshpejtuar proceset e brendshme të klubit.
Aktualisht, Atlético Madrid nuk ka ndërmend të heqë dorë nga ylli i saj, por Barcelona mbetet vigjilente për çdo zhvillim. Presidenti Joan Laporta e sheh Álvarez-in si një mundësi strategjike, ndërsa drejtori sportiv Deco po shqyrton alternativa të tjera për të mos rrezikuar të ardhmen. Ka ende kohë, por në Barcelonë tashmë e dinë saktësisht se kë duan si sulmuesin e tyre të ardhshëm.
