Ishte padyshim ndeshja më delikate për të negociuar në fazën e grupeve të Champions League, por Barcelona siguroi gjërat thelbësore, duke fituar në stadiumin e zhurmshëm “Porto Dragon”, falë qëndrueshmërisë së saj në mbrojtje (1-0).
Ndërsa dalja i dëmtuar e Robert Lewandowskit pas gjysmë ore në lojë, viktimë e një goditjeje të fortë nga Carmo, paralajmëroi një mbrëmje të vështirë, ndërkohë që zëvendësuesi i polakut, Ferran Torres, e qetësoi shpejt kampin e tij. I gjendur në thellësi nga Ilkay Gündogan, pas një pasimi të dështuar nga Romario Bario, “të stilit Thomason”, Torres fitoi ballë për ballë me Diogo Costa për të hapur rezultatin (45’+1).
E fortë në mbrojtje, Barcelona i rezistoi sulmeve të Portos, veçanërisht falë portierit të saj Marc-André ter Stegen (17’, 38’, 65’, 71’), por mbi të gjitha mund të falënderojë mbrojtësin e saj francez Jules Koundé. Ai duke e ngritur nivelin e lojës së tij duke u bërë thuajse i pakalueshëm.
Porto mendoi se kishte fituar një penallti, përpara se VAR ta anulonte rastin për një top me dorë (80’), ndërkohë që Mehdi Taremi shënoi me një rikthim akrobatik, në fund të ndeshjes, gol që u refuzua për pozicion jashtë loje (83’).
Edhe pse përfundoi numerikisht inferiore pas përjashtimit të Gavi (90’+3), Barcelona pati një sukses të dytë radhazi në Champions League, pa pësuar gol dhe mbetet ende e pamposhtur këtë sezon. Me gjashtë pike, “blaugranët” kryesojnë grupin ‘H’, përpara Porto (3) dhe Shakhtar (3), me Antwerp mbyll renditjen pa pikë.
