Paraqitjet fantastike të Fisnik Asllanit kanë marr vëmendjen e skuadrave të mëdha evropiane.
Ylli nga Kosova i cili pas një sezoni fantastik që pati me Elverberg në Bundesligën 2, sezonin e kaluar, po vazhdojnë të shkëlqej edhe me skuadrën e Hoffenhaim në Bundesligën gjermane.
Sipas asaj që raporton gazetari i njohur gjerman, Florian Plettenberg, Fisnik Asllani po monitorohet nga Barcelona.
23-vjeçari ka një klauzolë lirimi në verën e ardhshme, e për këtë është e informuar edhe skuadra e Barcelonës.
Kjo do të ishte një hap i madh në karrierë për Fisnik Asllanin, i cili ditë më parë deklaroi se Barcelona është klubi i ëndrrave.
“Klubi im i ëndrrave ka qenë gjithmonë FC Barcelona, gjithmonë kam dashur të luaj atje”, deklaroi ai Sport Bild.
Kujtojmë që Asllani ishte golashenues për Kosovën në fitoren fundit 1-0 ndaj Suedisë.
