Xhem Lamallari, i njohur si komandant Baruti i UÇK-së ka thumbuar kreun e BDI-së, Ali Ahmeti me rastin e fjalimit të tij për 21 vjetorin e BDI-së.
Baruti përmes një porosi komentuese në facebook ka shkruar: “Burri njëherë fol. I ke përjashtu, tash mos kaj or burr i dheut! Kuku Zot, çka po ndodh me ty !! Ia mbylle deren djemve qe u rriten ne BDI, per ti favorizu djemt e komunistave Jugosllav..#marre”, ka komentuar Baruti.
Kryetari i BDI-së, Ali Ahmeti në fjalimin e tij me rastin e 21 vjetorit të themelimit ka theksuar se problemet brenda tyre nuk zgjidhen siç tha në kojshi, por në shtëpi.
“Ata bashkëveptimtarë nuk e kanë drejtë, dhe unë këtë e kam thënë botërisht. Unë botërisht e kam thënë se nuk kam asnjë shqetësim, por kam dhimbje shpirtërore. Me këtë fraksion, shpallje fraksioni, janë në aksion, nuk janë fraksion. Unë nuk dua të ketë grupe interesi në BDI, nuk dua të vendosen gjërat personale para të përgjithshmes. Asnjëherë nuk e kam ndalur fjalën e lirë, mendimin ndryshe në BDI. Por gjithmonë është debatuar është diskutuar brenda BDI-së, nuk na e zgjidh problemet kojshia, por problemet i zgjidh shtëpia, prandaj në shpi të qëndrojnë, e jo në kojshi”, deklaroi Ahmeti. (INA)
