Klubi i Karatesë “Bashkimi 2002” nga Kumanova ka nisur stërvitjet intensive për provimin e brezit të zi, ku 10 garues do t’i nënshtrohen testit për të fituar titullin mjeshtër i shkallës së parë (1 DAN).
Provimi do të mbahet më 26 qershor 2025 dhe do të jetë i hapur për publikun, duke u dhënë qytetarëve të Kumanovës mundësinë të ndjekin nga afër performancën e brezave të rinj të mjeshtërve të këtij sporti.
Ky është një moment i rëndësishëm jo vetëm për garuesit, por edhe për vetë klubin, i cili vazhdon të prodhojë talente dhe të promovojë vlerat e disiplinës, respektit dhe përkushtimit në sportin e karatesë. (INA)
