Ndihmojmë edukimin e 99 nxënësve filloristë është motoja e nismës së ndërmarrë nga një grup qytetarësh, intelektualë që synon që përgjatë vitit shkollor me iniciativë vetanake të mbulojë edukimin joformal të kurseve të gjuhëve, programeve psiko-zhvillimore, atyre socializuese e motivacionale dhe jo vetëm; ndaj, një nisme të këtillë kërkon tí bashkëngjiten njerëz të vullnetit të mirë, persona fizik, subjekte juridike, grupe formale jo formale dhe të ngjashme.
Numri i nxënësve që synohet të përfshihen është 99 nxënës. Apelojmë tek të gjithë ata që kanë mundësi dhe dëshirë për të ndihmuar këtë kategori të nxënësve të talentuar dhe atyre në nevojë që ti bashkohen nismës së një grupi të intelektualëve. Kjo ide ka ardhur si rezultat i nevojës për të kërkuar dije dhe njohuri të reja për të zgjeruar diapazonin mësimor, ndërkaq nga ana tjetër nxënës që mbase kanë nevojë për dije elementare (përsëritje të shkronjave e matematikë elementare) edhe pse në shkollimin e rregullt kanë kaluar në klasë të katërt, duke mos lënë anash edhe fëmijët që në një apo formë tjetër mund të kategorizohen me ndonjë nevojë speciale. Ky grup ka nevojë për mbështetje financiare dhe shpresojmë se njerëzit e vullnetit të mirë do ti përgjigjen pozitivisht kësaj nisme fisnike. Kategorizimi i nxënësve do të bëhet nga Këshilli iniciues i cili do t’ju drejtohet shkollave fillore te Tetovës për gjetjen e nxënësve nga kategoritë që parashohin organizatorët, edhe atë:
Mbështetje edukative, arsimore, socializuese e motivuese:
– 33 nxënës super inteligjent të suksesshëm (në nevojë financiare)
– 33 nxënës me sukses nën mesatar (në nevoje financiare)
– 33 nxënës me nevoja ndryshe dhe jo vetëm…
Të gjithë ata që kanë mundësi dhe vullnet për të përkrahur këtë nismë për të ndihmuar nxënësit shqiptar të talentuar dhe atyre në nevojë mund të marrin informacione më të hollësishme në nr. 075 444 440
