Burime të TV21 brenda Ministrisë së Punëve të Brendshme njoftojnë se mëngjesin e sotëm ka pasur bastisje në po këtë institucion.
Mësohet se aksioni po udhëhiqet nga Byroja për Siguri Publike, ndërkaq po bastisen zyrat e disa prej kryeshefave dhe të punësuarve në disa njësi të tjera organizative.
Jozyrtarisht, bastisje po bëhen edhe te disa operatorë ekonomikë.
“Është nisur hetim për dyshime për shpërdorim të procedurave tenderuese për servisimin e automjeteve zyrtare të policisë dhe Ministrisë së Brendshme”, thonë burime të TV21 në MPB.
Mësohet se deri te aksioni ka ardhur pas informacioneve që janë zbuluar nga hetimit për raste për periudhën e vitit 2018.
Dyshohet se operatorët ekonomikë në bashkëpunim me persona të caktuar kompetentë dhe përgjegjës – punonjës të MPB-së, po negocionin se si të fitonin sërish tenderë të rinj.
