Policia e Maqedonisë së Veriut pas njoftimeve paraprake ka kryer një operacion kontrolli në Reçicë të Vogël të Tetovës ku janë gjetur pistoleta, municion dhe lëndë narkotike.
“Pas masave dhe aktiviteteve të marra paraprakisht, me datë 20.10.2023 zyrtarë policorë nga Departamenti i Policisë Kriminale, Sektori për tregti të paligjshme me drogë, armë dhe substanca të rrezikshme në koordinim me zyrtarët policorë nga Departamenti për tregti të paligjshme me drogë dhe armë në Tetovë ka kryer kontroll në banesën dhe lokalet tjera të personave A.J.(25) dhe F.J.(26), të dy nga Reçica e Vogël, ku janë gjetur një pistoletë “Zastava” cal. 7.62 mm me një kornizë me dy fishekë, një pistoletë “Zoraki” 917-T me kornizë pa municion, 23 fishekë të llojeve dhe kalibrave të ndryshëm, 35 fishekë të kalibrit 7.62 mm, një thes me material bari që dyshohet si lëndë narkotike, një peshore dixhitale dhe sende të tjera me mbetje të një lënde pluhuri të bardhë”, bën të ditur Ministria e Brendshme.
Në koordinim të prokurorit publik kundër personave do të ngrihet kallëzim penal nga neni 215 dhe 396 i Kodit Penal. (INA)
