Bayern Munich e ka fituar edhe ndeshjen e dytë ndaj Paris-Saint-Germain në “Allianz Arena” me rezultat 2-0 duke e siguruar kështu kalimin në çerekfinale të Ligës së Kampionëve.
Gjiganti bavarez hyri në këtë sfidë me avantazhin e një goli pas fitores me rezultat 1-0 në ndeshjen e zhvilluar në Francë dhe i gjithë presioni ishte mbi skuadrën mysafire e cila nuk ia doli ta përmbyste rezultatin.
Pas pjesës së parë pa gola, vendasit arritën të shënonin dy herë në pjesën e dytë përmes Choupo Moting në minutën e 61’ dhe Sergio Gnabryt në të 90-tën.
Kështu Bayerni i bashkohet Chelseat dhe Benfikës në çerekfinale, kurse PSG eliminohet përkundër se ka në përbërje të skuadrës yje të mëdha si Lionel Messi e Kylian Mbappe.
Ka mjaftuar fitorja në ndeshjen e parë në “San Siro” me rezultat 1-0 që Milani ta eliminojë Tottenhamin dhe të vazhdojë tutje në Ligën e Kampionëve.
“Rossonerët” barazuan pa gola më “Spursat” në “White Heart Lane” duke iu gëzuar kështu kalimit në çerekfinale të këtij kompeticioni.
Skuadra e Antonio Conte e kërkoi me ngul rikthimin e rezultatit nga ndeshja e parë, por lojtarët e përzgjedhur nga Pioli ishin tejet të organizuar për ta ruajtur rezultatitn, e madje në shumë raste kanë pasur mundësi të shënojnë.
15 minutat e fundit të ndeshjes, Tottenhami i luajti me një lojtar më pak pasi nga loja me karton të kuq u përjashtua Romero.
Milani bëhet skuadra e katër çerekfinaliste duke iu bashkuar Chelseat, Benfikës dhe Bayernit.
