Bayern Munich ka shënuar edhe fitoren e dytë në Kupën e Botës për Klube.
Skuadra bavareze e mposhti Boca Juniorsin, me rezultat 2-1, shkruan IndeksOnline.
Harry Kane shënoi golin e epërsisë në minutën e 18-të. Me rezultat 1-0 u mbyll edhe pjesa e parë.
Miguel Merentiel e riktheu Bocan në lojë, pasi barazoi shifrat në minutën e 64-të.
Hero i Bayernit ishte Michael Olise, i cili shënoi golin e fitores në minutën e 84-të.
Me këtë fitore Bayern Munich siguron kualifikimin në fazën e eliminimit direkt, pasi është lider e e Grupit C, me 6 pikë, dy më shumë se Benfica.
Boca Juniors renditet e treta me një pikë, ndërsa skuadra nga Zelanda e Re, Aucland City është zyrtarisht e eliminuar, me 0 pikë./IndeksOnline/
