Bayern Munich ka fituar me rezultat të thellë 8-0 ndaj Darmastadt, në kuadër të Bundesligas.
Fillimisht me karton direkt të kuq u ndëshkua Joshua Kimmich, në minutën e 4’. Pastaj Klaus Gjasula i ekipit kundërshtar ishte lojtari i radhës që u ndëshkua me të kuq, në minutën e 21’.
Ndonëse nuk pati ndryshim në rezultat, pati te kartonët, pasi Matej Maglica u ndëshkua me karton të kuq në minutën e 41’.
Në pjesën e dytë, Harry Kane e kaloi në epërsi Bayernin, në minutën e 51’, teksa vetëm gjashtë minuta më vonë Leroy Sane e dyfishoi epërsinë e bavarezëve.
Jamal Musiala pas një ore lojë e realizoi golin e tretë, ndërsa Sane shënoi sërish, pas vetëm katër minutave.
Bayerni nuk u ndal dhe e gjeti golin e pestë me Kanen, në minutën e 69’. Dy minuta më vonë Muller e realizoi golin e gjashtë.
Ndërkohë, Musiala e shënoi golin e parafundit në minutën 76’, teksa golin e fundit e realizoi Kane,në minutën e 88’, duke kompletuar hat-trickun.
Bayerni pas nëntë xhirove renditet në vendin e parë me 23 pikë, me një pikë më shumë se Leverkuseni që pozicionohet në pozitën e dytë. /Klankosova.tv.
🚨🚨| GOAL: HARRY KANE HAS SCORED FROM HIS OWN HALF!
Bayern 5-0 Darmstadt.
— TTS. (@TransferSector) October 28, 2023
