BDI iu përgjigj sot VMRO-DPMNE-së dhe liderit të saj Hristijan Mickovski se do të jetë i gatshëm të bëhet pjesë e Qeverisë por pa BDI-në.
Nga partia e Ahmetit thonë se janë të gatshëm të dalin nga Qeveria, nëse VMRO-DPMNE-ja opozitare i voton ndryshimet kushtetuese të cilat duhet të hyjnë në fuqi para formimit të kësaj Qeverie gjithpërfshirëse, pa BDI.
“BDI është e gatshme të mbështesë një Qeveri pa BDI deri në zgjedhje, nëse opozita përkrah ndryshimet kushtetuese të cilat duhet të hyjnë në fuqi para formimit të asaj Qeverie”, thonë nga BDI.
Mickovski theksoi se ka marrë ofertë nga Kovaçevski që në Kuvend të miratohen me 2/3 nevoja për ndryshime kushtetuese, kurse pastaj të formohet Qeveri, ku nga 10 resorët që i menaxhon LSDM, 5 t’i merr VMRO-DPMNE, të përfundojnë ndryshimet kushtetuese, të nis procesi i bisedimeve me BE-në, pastaj të organizohen zgjedhje të parakohshme parlamentare.
Kreu i opozitës maqedonase deklaroi se pranon këtë ofertë, me kusht që BDI mos të jetë në përbërje të kësaj Qeverie.
“Në këtë ofertë, që paraqet qëndrim të Dimitar Kovaçevski, nga ana ime është dhënë kjo përgjigje, në rregull, e kuptoj ofertën, dhe për të njëjtën kam qëndrimin si vijon, VMRO-DPMNE është e gatshme të hyjë në Qeveri me LSDM-në dhe partitë tjera politike, por pa përfshirjen në qeverinë e njëjtë, të BDI-së”, deklaroi Mickoski. (INA)
