“I izoluar dhe i vetmuar kundër NATO-s dhe BE-së, njëkohësisht edhe antishqiptar sipas qëndrimeve dhe vendimeve të tij, kryetari i VMRO DPMNE Mickoski refuzon dhe shmang të deklarohet: Pse ua ndaloi kryetarëve të komunave të bashkëpunojnë me shqiptarët, pse ai ka lëshuar urdhër për të mos lëshuar certifikata për legalizimin e shqiptarëve nga kryetarët e tij, pse ka lëshuar urdhër që të mos jepen leje ndërtimi për kompanitë pronari i të cilave është shqiptar dhe pse ai dhe anëtarët e tij të partisë bëjnë thirrje për luftë kundër shqiptarëve në 2023?”.
Këtë pyetje e ka bërë sot BDI përmes një reagimi publik.
“Publikimi i një fotoje me uniformë kamuflazhi dhe me kallashnikov bosh ishte pararojë e një fushate të planifikuar prej kohësh me njoftime lufte të VMRO DPMNE-së dhe kërkesë që 61 deputetë të mos “kushtzohen” nga shqiptarët, sikurse Nikolla Gruevski dikur, dhe e nxiti fjalimin e Aleksandër Nikollovskit në Kuvend në të cilin deklaron se maqedonasit do të ngrihen në vitin 2023”, theksojnë nga partia e Ahmetit.
Nga kjo parti shtojnë se “të gjitha partitë, përveç të majtës, po distancohen nga VMRO DPMNE-ja e Mickoskit dhe kapaciteti i saj koalicioni është i barabartë me ZERO dhe kjo shkakton nervozizëm.” (INA)
