Bashkimi Demokratik për Integrim ka reaguar për situatën me ndërtimet në komunën e Çairit, transmeton TV21.
Nga kjo parti thonë se “qytetarët kërkojnë reagim institucional urgjent”.
“BDI kërkon që institucionet përgjegjëse të marrin masa të menjëhershme për të hetuar dhe ndaluar këtë dukuri të rrezikshme. Heshtja shtetërore nuk mund të jetë mburojë për ata që po shkatërrojnë sistematikisht të vetmen hapësirë jetese të banorëve të kësaj komune.
Ky nuk është më vetëm problem i urbanizmit, është një krizë e sigurisë publike dhe dinjitetit qytetar.
BDI qëndron fuqishëm në krah të banorëve të Çairit dhe kërkon rikthimin e ligjshmërisë, përgjegjësisë institucionale dhe respektit për jetën e përditshme të njerëzve që meritojnë të jetojnë në një ambient të sigurt dhe dinjitoz”, thuhet mes tjerash në reagimin e BDI-së.
