BE do të ndajë rreth 750 milionë euro për Ndërmarrjet e Vogla dhe të Mesme në Ballkanin Perëndimor

Picture of INA
INA

15/04/2024

Garancitë e Bashkimit Evropian do të zhbllokojnë rreth 750 milionë euro për Ndërmarrjet e Vogla dhe të Mesme (NVM) në Ballkanin Perëndimor dhe 60 milionë euro për Maqedoninë e Veriut

Nisma e garancisë për qëndrueshmërinë e NVM-ve, në kuadër të instrumentit për novacionin dhe zhvillimin e ndërmarrjeve në Ballkanin Perëndimor (INZHN BP), e financuar nga Bashkimi Evropian, e cila u njoftua në vitin 2022, do të rrisë aksesin në financa për ndërmarrjet e vogla dhe të mesme (NVM-të) dhe aftësinë e tyre për të përballuar rrethanat sfiduese ekonomike.
Financimi i mundësuar nga garancia, i disponueshëm në kushte të përballueshme kreditimi, do të kontribuojë në zgjerimin e biznesit, punësimin dhe rritjen ekonomike në rajon
Në Maqedoninë e Veriut, garancitë e FEI-t zhbllokuan rreth 225 milionë euro në total deri më tani për rreth 1000 NVM, të cilat ndihmuan në ruajtjen e 64 000 vendeve të punës.
Fondi Evropian i Investimeve (FEI), pjesë e Grupit të BEI-t, ka nënshkruar marrëveshje garancie të portofolit me 11 banka dhe ndërmjetës financiarë në ekonomitë e vendeve të Ballkanit Perëndimor. Këto marrëveshje, të financuara në kuadër të nismës së garancisë për qëndrueshmërinë e NVM-ve të INZhN BP*, do t’u mundësojnë bankave dhe institucioneve financiare vendase të krijojnë një portofol kredish për NVM-të për një shumë totale prej mbi 750 milionë euro, së bashku me ato që do të nënshkruhen deri në gjysmën e parë të vitit 2024.

Këto burime financiare synojnë të rrisin aksesin në financa te bizneset e vogla dhe të përmirësojnë qëndrueshmërinë e tyre ndaj vështirësive të vazhdueshme ekonomike, duke krijuar njëkohësisht kushte për zgjerimin e biznesit, punësimin dhe novacionin. Në Maqedoninë e Veriut, ky instrument pritet të shpërndajë kredi me një vlerë totale prej 60 milionë eurosh, të disponueshme me kushte të favorshme kreditimi për rreth 1100 NVM-të, duke mbështetur rreth 15 000 vende pune.

Marjut Falkstedt, drejtori ekzekutiv i FEI-t, tha: “Duke mbështetur bizneset e vogla të Ballkanit Perëndimor, veçanërisht në segmentet e tij më të dobëta dhe të brishta, këto burime financiare do të përmirësojnë kapacitetin e tyre për risi dhe rritje, duke kontribuar në të njëjtën kohë në integrimin e mëtejshëm brenda ekonomisë së BE-së. Në këtë mënyrë, këto fonde të konsiderueshme do të ofrojnë një shtysë për zhvillimin e ekonomive rajonale të fuqishme dhe konkurruese, si dhe avancimin e tyre në zinxhirët globalë.”

Në Maqedoninë e Veriut, garancitë e FEI-t zhbllokuan rreth 225 milionë euro në total deri më tani për rreth 1000 NVM, të cilat ndihmuan në ruajtjen e 64 000 vendeve të punës.

SH. T. Z. ambasadori David GEER, shef i delegacionit të BE-së në Maqedoninë e Veriut, u shpreh: Ndërmarrjet mikro, të vogla dhe të mesme përbëjnë shtyllën kurrizore të ekonomisë së Maqedonisë së Veriut. Falë garancisë së FIBP për qëndrueshmërinë e NVM-ve, kompani të tilla do të mund të marrin kredi në kushte më të favorshme. Nga ana tjetër, kjo do t’i ndihmojë ata të investojnë në teknologji të reja, të përmirësojnë kapacitetet menaxheriale dhe teknike të biznesit, të nxisin rritjen dhe të kontribuojnë në qëndrueshmëri dhe konkurrencë. Kjo ndihmë është pjesë përbërëse e mbështetjes më të gjerë të BE-së për sektorin në të gjithë Ballkanin Perëndimor dhe është një shembull tjetër i angazhimit të vazhdueshëm të BE-së për zhvillimin dhe lulëzimin e rajonit.”

Të dhëna bazë

Fondi Evropian i Investimeve (FEI) është pjesë e Grupit të Bankës Evropiane të Investimeve. Misioni qendror i tij është të mbështesë ndërmarrjet mikro, të vogla dhe të mesme (NVM) duke i ndihmuar në aksesimin e financimeve. FEI harton dhe zhvillon kapital sipërmarrjeje dhe rritjeje, garanci dhe instrumente mikrofinancimi që synojnë posaçërisht këtë segment të tregut. Përmes këtij roli, FEI nxit objektivat e BE-së për mbështetje të inovacionit, kërkimit dhe zhvillimit, sipërmarrjes, rritjes dhe punësimit.(INA)

TË FUNDIT
49 minuta
Sasho Mijallkov të enjten lirohet nga burgu
1 orë
Kritikat e Frontit Europian / Mexhiti: Ai që humb ka të drejtë të qajë dhe vajtojë
3 orë
VLEN vazhdon negociatat për qeverinë e re! Zejdi thotë se ka mekanizma për t’i parandaluar, nuk përjashton protestat
3 orë
Pa vullnet politik nuk mund të ketë reforma në gjyqësor
4 orë
Sasho Mijallkov lirohet nga burgu të enjten

ME TE LEXUARA

1 ditë
Në gjimnazin e Ohrit nuk ka paralele në shqip
3 orë
VLEN vazhdon negociatat për qeverinë e re! Zejdi thotë se ka mekanizma për t’i parandaluar, nuk përjashton protestat
13 orë
Mot me vranësira të ndryshueshme me reshje të kohëpaskohshme të shiut, pasdite kushte për mot të ligë të shkurtër
1 ditë
“Bolton News”: Shqipëria mes destinacioneve më të mira dhe miqësore me buxhetin
6 orë
RMV, shtetas të huaj kanë denoncuar dy policë pasi kanë kërkuar ryshfet, janë marrë masa disiplinore
1 ditë
Nesër vijojnë bisedimet mes VMRO-DPMNE dhe VLEN, në tryezë "kulaçi qeveritar"?
1 orë
Kritikat e Frontit Europian / Mexhiti: Ai që humb ka të drejtë të qajë dhe vajtojë
12 orë
Rivotim në shtatë vendvotime në njësinë e pestë dhe të gjashtë zgjedhore të mërkurën

LEXO MË SHUMË

Mijallkov Sasho

Sasho Mijallkov të enjten lirohet nga burgu

izet mexhiti

Kritikat e Frontit Europian / Mexhiti: Ai që humb ka të drejtë të qajë dhe vajtojë

zejdi tubim

VLEN vazhdon negociatat për qeverinë e re! Zejdi thotë se ka mekanizma për t’i parandaluar, nuk përjashton protestat

GJYKATA

Pa vullnet politik nuk mund të ketë reforma në gjyqësor

mijallkov

Sasho Mijallkov lirohet nga burgu të enjten

mico-1

Greqia luftë në dy fronte! Bllokim të Shqipërisë dhe Maqedonisë së Veriut në rrugën drejt anëtarësimit në BE

vmro vlen negociata

S’ka takime mes grupeve për formimin e Qeverisë, palët diskutojnë brenda radhëve të veta

kuvendi-ri

A do të kemi ndryshime kushtetuese pas 6 muajve?

EVN

EVN Maqedoni bëri punë vullnetare në kuadër të aksionit ekologjik “GENERALKA WEEKEND 24”

INFO

NA NDIQ