Ish ministri dhe kandidati për deputet nga radhët e Bashkimi Demokratik për Integrim, Bekim Neziri, tani i fokusuar ne biznes njëherë është ndër të parët që ka shpallur kandidaturën për kryetar të degës së Çairit.
Kandidimi i tij vjen vetëm disa ditë pasi integristët caktuan Ekrem Bunjakun si koordinatorë për organizimin e zgjedhjeve të brendshme në degën e Çairit.
Neziri në vitin 2015-të ka qenë kryetar i shtabit zgjedhor komunal, kurse në periudhën 2014-2016, për dy vite radhazi ka udhëhequr me Ministrinë e Ekonomisë.
Neziri konsiderohet si person i afërt me kreun e BDI-së, Ali Ahmeti por edhe me te dy krahët në BDI-në e Çairit.
Neziri gjithashtu ka qenë edhe shef i shtabit qendror zgjedhor dhe disa herë ka udhëhequr edhe zgjedhjet në Çair.
Ai në vitin 2020, gjithashtu ka qenë edhe kandidat për deputet nën logon e Bashkimit Demokratik për Integrim në zonën zgjedhore numër 3, rajonin e Velesit dhe Çashkës.
Këto zgjedhje po organizohen sipas parimit një anëtar, një votë, por nga fraksioni i BDI në Çair kanë shprehur pakënaqësi lidhur me këto vendime përjashtuese ndaj tyre dhe që po dëmtojnë BDI-në.(INA)