Bekim Qoku
Partia politike E majta (Levica) ngriti para disa ditësh interpelancë ndaj kryetarit të Kuvendit të MV z. Afrim Gashi. Kur lexon platformën dhe programin zgjedhor të kësaj partie, kupton mirë ku e ka qëllimin e vërtetë. E majta ka 6 deputetë në kuvendin e MV.
Këtu do të shquaj disa nga pikat dhe çështjet e kësaj partie që i kishte në programin e saj zgjedhor për zgjedhjet parlamentare të 2024 dhe që, nëse bëhej pjesë e qeverisë, do të këmbëngulte t’i zbatonte ato:
• Tërheqje të njohjes së pavarësisë së Kosovës si protektorat amerikan që paraqet një burim të përhershëm jostabiliteti në Ballkan (si p.sh. invazioni i UÇK-së në vitin 2001, si dhe ….. )
*Por pak më tutje thuhet:
• Do të njohim pavarësinë e Palestinës, Katalonisë dhe Baskisë.”
*Pra, përkrahin luftën e popujve të shtypur për pavarësi e liri sepse janë të majtë, ama janë paksa selektivë, jo bash të majtë kur bëhet fjalë për shqiptarët.
• Rritjen e sigurisë dhe kontrollit përgjatë kufirit maqedonas me “Kosovën” dhe Shqipërinë, si zona rreziku të kontrabandës.
*(Vini re thonjëzat te fjala Kosovë!).
• Vazhdim dhe avancim i bashkëpunimit në kuadër të iniciativës Ballkani i Hapur (Mini-Shengen).
*(Vini re kontradiktën: duan të rrisin sigurinë përgjatë kufirit me Shqipërinë, por mbështesin Ballkanin e Hapur që ka për synim lëvizjen pa kufi midis shteteve brenda kësaj nisme! Duket sheshit se e Ballkanin e Hapur e duan për Serbinë)
• Nënshkrim i Platformës maqedonase nga ana e partive politike maqedonase, me qëllim për të krijuar një Konsensus kombëtar, si parandalim të kërcënimeve të vazhdueshme që vijnë nga partitë e pakicës shqiptare nënshkruese të Platformës së Tiranës.
• Bashkëpunim më të afërt me Unionin Evro-aziatik (EAU), sipas shembullit të Serbisë.
• Ndërtimin e një hekurudhe super të shpjet që lidh Shkupin me Beogradin (Serbinë) dhe Budapestin (Hungarinë), me mundësi lidhjeje me Selanikun (Graqinë).
• Ndërtimin e një partneriteti strategjik me Federatën Ruse.
• Prishje të marrëveshjes për fqinjësi të mirë Bullgarinë.
• Ndërprerja e procesit të bullgarizimit ….
*Janë edhe plot pika ku synohet anulimi i tërësishëm i përdorimi të gjuhës shqipe në të gjithë territorin e MV.
Urrejtja ndaj shqiptarëve, tonet fashiste sikur me e lexue Mein Kampf të Hitlerit kur shikon platformën e tyre, e bëjnë të pamundur çfarëdo bashkëpunimi me ta. Kështu ka qenë dhe kështu do të mbetet raporti me ta.
