Bekteshi nga Brukseli: Do të sigurojmë të drejta më të mëdha të themelimit dhe lirinë për të ofruar shërbime

Iliria News Agency
Iliria News Agency

23/01/2023

Ministri i Ekonomisë Kreshnik Bekteshi ka mbajtur sot në Bruksel takimin e parë bilateral në kuadër të Klasterit të Tregut të Brendshëm, me kapitullin 3 – E drejta e themelimit dhe liria për të ofruar shërbime. Ky është takimi i parë bilateral për një Kapitull për të cilin është kompetente Ministria e Ekonomisë.

Në fjalimin e tij të hapjes, ministri Bekteshi falënderoi Ministrinë e Ekonomisë për bashkëpunimin dhe mbështetjen e deritanishme në realizimin e aktiviteteve për harmonizimin me legjislacionin në këtë kapitull.

“Konkluzionet dhe rekomandimet që do të dalin nga ky takim bilateral do të përcaktojnë hapat e ardhshëm në procesin e anëtarësimit në fushën e së drejtës së themelimit dhe lirisë për të ofruar shërbime. Jemi të vetëdijshëm për rëndësinë e garantimit të së drejtës së themelimit dhe lirisë për të ofruar shërbime përmes procesit të harmonizimit të legjislacionit në këtë fushë. Lëvizja e lirë e shërbimeve nëpërmjet eliminimit të barrierave në kryerjen e aktiviteteve shërbyese do të kontribuojë në zhvillimin e aktiviteteve ekonomike, në nivel më të lartë të punësimit, në një shkallë të lartë të konkurrencës dhe përmirësim të cilësisë së shërbimeve, e në këtë mënyrë edhe në cilësinë e mjedisit jetësor”, tha Bekteshi.

Ministria e Ekonomisë, si ministri kompetente, tha ai në bashkëpunim me institucionet tjera në vazhdimësi realizon aktivitete për harmonizimin me legjislacionin e BE-së dhe forcimin e kapaciteteve administrative në fushën e shërbimeve. Aktivitetet zbatohen në përputhje me konkluzionet dhe rekomandimet e Nënkomisioneve dhe Raporteve të Progresit të vendit tonë, tha tutje Bekteshi.

Sa i përket kornizës ligjore, siç tha ministri, Ligji për shërbime, Ligji për njohjen reciproke të kualifikimeve profesionale dhe Ligji për shërbimet postare janë ligje bazë në këtë fushë.

“Direktiva për shërbimet është transpozuar plotësisht në Ligjin për shërbime. Me qëllim të implementimit të ligjit, në vitin 2020 Qeveria miratoi Planin e veprimit për harmonizimin e legjislacionit sektorial me Direktivën. Ministria e Ekonomisë është koordinatore e procesit dhe monitoron implementimin e Planit të Veprimit. Në kuadër të Projektit IPA ‘Forcimi i tregut të brendshëm’, komponenti 2 për lëvizjen e lirë të shërbimeve, në periudhën 2021-2022 është kryer një analizë e re e detajuar për të vlerësuar harmonizimin e legjislacionit me Direktivën e shërbimeve. Bazuar në gjetjet e analizës, është duke u përgatitur për një Plan të ri Veprimi me masa harmonizuese. Jemi të vetëdijshëm se harmonizimi me Direktivën e shërbimeve është një proces i vazhdueshëm dhe zbatohet jo vetëm për rregulloret ekzistuese, por edhe për rregulloret e reja ose ndryshimet në rregulloret ekzistuese. Kjo merret parasysh kur planifikohen aktivitetet e ardhshme në këtë fushë”, tha Bekteshi në fjalën e tij.

Duke pasur parasysh karakterin horizontal të legjislacionit të Kapitullit 3, në skrining ishin të pranishëm përfaqësues të Grupit Punues të Kapitullit 3 nga një numër i madh institucionesh: Ministria e Ekonomisë, Regjistri Qendror, Ministria e Transportit dhe Lidhjeve, Agjencia e Postës, Ministria e Arsimit dhe Shkencës, Ministria e Financave, Ministria e Drejtësisë, Ministria e Shoqërisë Informatike dhe Administratës, Agjencia e Ushqimit dhe Veterinarisë, Agjencia e Kadastrës së Patundshmërive dhe të tjera.

Ministri Bekteshi tha se në lidhje me detyrimin për krijimin e një pike të vetme kontakti, tashmë është krijuar Portali kombëtar për Shërbimet elektronike.

Ministria e Arsimit dhe Shkencës është institucioni kompetent për procesin e transpozimit të Direktivës së BE-së për njohjen e kualifikimeve profesionale. Është përgatitur ligj i ri për njohjen e kualifikimeve profesionale në të cilin janë transpozuar Direktivat. Në fushën e shërbimeve postare, rregulloret nacionale janë harmonizuar plotësisht me direktivën e parë dhe të dytë postare dhe janë pjesërisht të harmonizuara me direktivën e tretë, si dhe po përgatitet një Strategji për zhvillimin e shërbimeve postare dhe po përgatitet rregullativa ligjore për aktivitetet postare në bashkëpunim me Agjencinë.

TË FUNDIT

ME TE LEXUARA

LEXO MË SHUMË

arberesha kryeziu

Deputetja e VV-së, Hyseni: Bujar Osmani përfaqësues i “Ballkanit të Hapur”, Arben Taravari i rreshtuar përkrah Kosovës

asambleja-kie-keshilli-i-evropes

Dy ditë historike për Kosovën në Strasburg – sot nis Asambleja e Këshillit të Evropës

spital-infermiere-mjeke shendetesi

Mjekët specialistë privatë në RMV nga sot në grevë të përgjithshme

aksidenti shqiperi

Vdekjet nga aksidentet rrugore në Shqipëri, ndër më të lartat në Europë! Vendi ynë, i gjashti në listë

shkupi

Turistët nga Turqia dominojnë për turizëm në Maqedoninë e Veriut

Mickoski vmro platforma

Mickoski: Kohët kur Reçica mund të shantazhonte dhe të diktonte kushte kanë ikur

BE bruksel EU Bashkimi Evropian Unioni

EMRAT/ Ja kush janë ambasadorët dhe emisarët e rinj të BE-së në Ballkanin Perëndimor

hotel mijallkov oher

Kompania e Mijallkovit filloi me ndërtimin e një hoteli luksoz në Ohër, reagon “02 Iniciativa”

lindja mesme iran irak izrael

Pse Irani sulmoi Izraelin – dhe pse janë armiq?

INFO

NA NDIQ