Anëtari i bordit të Real Madridit, Jose Manuel Otero, ka zbuluar se Jude Bellinghami ishte kontaktuar nga Manchester City në verë, para se të bashkohej me “Los Blancos”.
Thuhet se “Cityzens” i ishte afruar babait të Bellinghamit, por lojtari refuzoi të shkonte në Premierligë pasi dëshironte t’u bashkohej gjigantëve spanjollë.
Duke folur në kanalin Twitch të Remontada Blanca (nëpërmjet AS), Otero tha: “Ata na e thanë këtë një ditë tjetër në drekë në Girona. Njerëzit nga Manchester City erdhën për të ngrënë dhe na thanë se kishin folur me Bellinghamin. Ata thanë se babai (Mark Bellingham) i kishte argëtuar pak duke u dhënë shpresë, por Jude tha ‘jo’, se donte të luante për Real Madridin. Kjo po ndodh me shumë lojtarë. Kur u hapet perspektiva për të nënshkruar me Real Madridin, ata harrojnë gjithçka tjetër. Madridi është mënyra më e mirë për të arritur lavdi”./Zeri.info
