Trajneri i Kombëtares së Francës, Didier Deschamps gjatë një interviste për mediat e huaja tha se Karim Benzema zgjodhi të largohej me dëshirë nga kampi i ‘Gjelave’ gjatë Kupës së Botës.
Lojtari i Real Madridit nuk arriti të luante në Kupën e Botës ‘Katari 2022’ për shkak të një lëndimi që e pësoi para ndeshjes së parë, shkruan Lajmi.net.Por, intervista e Deschamps ka ngjallur shumë reagime – e në fakt sulmuesi francez përmes rrjeteve sociale ka bërë një reagim duke përgenjështruar trajnerin e tij.
“Çfarë gënjeshtre. Çfarë guximi…”, ishin fjalët e Benzema-s në story në Instagram.
Kujtojmë që dyshja nuk i kanë punët mirë që një kohë të gjatë, kurse Benzema vazhdon të ketë probleme me Kombëtaren e Francës.