Kreu i Partisë Demokratike Sali Berisha ka dalë sot në një konferencë për shtyp ku mbajti hapur qëndrimin e mosnjohjes së zgjedhjeve të 11 maj. • Ai deklaroi se zgjedhjet u diktuan nga krimi dhe bandat e qeverisë që sipas tij ishin aktive në 10 qarqe të Shqipërisë, në 20 bashki dhe ato patronuan 30 deputetë të mazhorancës. • Berisha tha sot se zgjedhjet e 11 majit u karakterizuan nga blerja publike më masive në tërë historinë. • Ai tha para mediave se janë dhë zarfe me 100 euro. Sipas kryedemokratit zgjedhjet u sunduan nga vrasës, serial killer, trafikantë dhe dhunues.• Kreu i Partisë Demokratike Sali Berisha ka deklaruar sot se më 16 maj, ora 17:00, PD do të zhvillojë një protestë në Tiranë pas daljes së rezultatit të zgjedhjeve të 11 majit. • Data e protestës përkon me ditën kur në Tiranë do të zhvillohet edhe samiti i Komunitetit Politik Evropian (KPE).
Berisha tha se protesta do të jetë paqësore dhe se garanton se nuk do ketë probleme që të cenojnë në shkallën më të vogël sigurinë e liderëve europianë që pritet të mbërrijnë në kryeqytet.
Berisha u pyet sot nga gazetarët nëse betejën e votës së lirë të shqiptarëve që kërkon ai do e udhëheqë vetë në krye të PD-së apo një lidership i ri.
Për këtë duket se Berisha është i qartë duke nënkuptuar me anë të përgjigjes së tijse nuk do të largohet nga posti.
