Rreziku nuk ka kaluar, thotë kryetari i Komisionit parlamentar për Çështje të Sigurisë dhe Mbrojtjes, Bekë Berisha. Ai tha në Frontal se gatishmëria e forcave policore të Kosovës tash është “shumë e lartë”.
Berisha tha se nuk ka përfundu rreziku.
“Gatishmëria është shumë e lartë. Bile tash më shumë se atëherë. Për aksionin e suksesshëm të Policisë për t’iu përgjigjur sulmit të grupit terrorist, Berisha tha se duhet falënderuar më së shumti “brumin e UÇK-së. Duhet ta falënderojmë brumin e UÇK-së, ushtarin që tash është në uniformën e Policisë së Kosovës”, tha ai.
Berisha theksoi se grupi terrorist i serbëve që e sulmoi Policinë e Kosovës u mblodh në Kopaonik dhe hyri në veri nga pika kufitare “Izvor”. Këta janë bashku në Kopaonik, kanë kalu me shumë vetura në pikëkalimin Izvor”, tha Berisha
“Në Banjskë janë pozicionu dhe kur ka ndodh sulmi kanë qenë në fazën e pozicionimit”, shtoi ai.
Operacioni i grupit terrorist “është ndërprerë”, tha ai, duke shtuar se pasi ata kishin hapur zjarr, “tre pjesëtarë të Policisë së Kosovës ua kanë kthyer fuqishëm”, e më pas u angazhuan njësitë më elitare.
Deputeti tha se ata “e kanë pasur një plan në tri faza”.
Ai tha se ka disa gjëra të cilat s’mund t’i thotë publikisht tash për tash.
