Kreu i komunës së Sarajit, Blerim Bexheti përmes rrjeteve sociale thotë se është rritur realizimi i buxhetit në komunën e Sarajit, përcjell TV21. Bexheti thotë se realizimi i buxhetit në këtë komunë për vitin 2022 është 115.000.000 denarë ose 80% i të hyrave vetanake të planifikuara.
“Apelojmë deri tek qytetarët që të vazhdojnë me pagesën e detyrimeve komunale pasi që rritja e arkëtimit të taksave dhe tatimeve në përgjithësi janë instrumenti kyç për përmirësimin e cilësisë së shërbimeve dhe hapin mundësi për realizimin e projekteve kapitale të financuara me mjete vetanake”, ka shkruar Bexheti duke theksuar se Ndërmarrja Publike Komunale ka shënuar rritje në realizimit e të hyrave.