Biden intesifikon sulmet ndaj Trump, bën kritikën më të fortë deri më tani

Picture of ina-online
ina-online

29/09/2023

Presidenti amerikan Joe Biden intensifikoi të enjten sulmet ndaj ish-Presidentit Donald Trump, duke bërë deklaratën e fortë se ish-presidenti dhe kandidati kryesues republikan përbën një rrezik ekzistencial për vlerat dhe institucionet demokratike të vendit. Korrespondentja e Zërit të Amerikës, Patsy Widakuswara njofton.

Është kritika më e fortë deri më tani nga Presidenti Joe Biden drejtuar pararendësit të tij, Donald Trump, me të cilin duket se do të përballet sërish në zgjedhjet presidenciale të vitit të ardhshëm.

“Trump-i thotë se Kushtetuta i jep, sipas tij, të drejtën të bëjë çfarë të dojë si president. Nuk kam dëgjuar kurrë ndonjë president ta thotë këtë qoftë edhe si me shaka. Nuk udhëhiqet nga Kushtetuta, apo shërbimi i përbashkët dhe respekti për bashkëqytetarët tanë amerikanë, por nga hakmarrja dhe shpagimi”, tha Presidenti Biden.

Megjithë katër procese gjyqësore, zoti Trump vazhdon të jetë kandidati kryesues për votimin paraprak brenda Partisë Republikane.

“Fakti është se po shqetësohem ngaqë patëm një anketim këtë javë me shifra shumë të larta. Dhe thashë, ‘ja ku po vijnë akuza të tjera tani’. Çdo herë që dalin anketimet, mua më ngrenë akuza”, tha ish-Presidenti Trump.

Ky ishte fjalimi i katërt i Presidentit Biden ku theksohet rreziku i mohimit të zgjedhjeve dhe dhunës politike që rrezikon vendin, që kur mijëra mbështetës të ish-Presidentit Trump sulmuan Kapitolin më 6 janar 2021, me synim përmbysjen e fitores në zgjedhje të Presidentit Biden.

“Është një çështje për të cilën baza e tij, demokratët, janë tepër të interesuar. Është mënyra për të shënuar një vijë dalluese tepër të dukshme mes tij dhe rivalit të pritshëm, Donald Trump-it. Dhe mendoj se në thelb i dha Biden-it diçka pozitive për të folur, për vetë historikun e tij, për të balancuar kështu çështjen e ekonomisë, me të cilën deri më tani ka historik të përzier”, thotë Chris Jackson, nga firma e anketimeve “Ipsos”.

Përgjithësisht për shkak të shqetësimeve të amerikanëve për mënyrën se si Presidenti Biden ka menaxhuar ekonominë, anketime të ndryshme tregojnë se niveli i mbështetjes për të ka mbetur nën 50% që nga gushti 2021.

Presidenti Biden po përballet gjithashtu edhe me hetime nga republikanët në Dhomën e Përfaqësuesve që synojnë shkarkimin e tij, bazuar në akuzat për korrupsion në lidhje me aktivitetin sipërmarrës të djalit të tij. Shtëpia e Bardhë mohon të ketë patur shkelje dhe e konsideron hetimin të motivuar politikisht./VOA

TË FUNDIT
7 orë
Blerësi më i madh i gazit të Gazprom në BE, anulon kontratën me Rusinë
1 ditë
Gjermania ndahet sërish: Harta elektorale tregoi ndarje të thella
2 ditë
OKB miratoi rezolutën për armëpushim dhe lirim të pengjeve në Gazë
3 ditë
Orban fitoi në Hungari, por jo aq sa pritej
3 ditë
Blinken në turne diplomatik për të siguruar armëpushim në Gazë

ME TE LEXUARA

1 ditë
Gjermania ndahet sërish: Harta elektorale tregoi ndarje të thella
7 orë
Blerësi më i madh i gazit të Gazprom në BE, anulon kontratën me Rusinë

LEXO MË SHUMË

gazprom

Blerësi më i madh i gazit të Gazprom në BE, anulon kontratën me Rusinë

gjermania-780x470

Gjermania ndahet sërish: Harta elektorale tregoi ndarje të thella

Keshilli-i-Sigurimit-OKB

OKB miratoi rezolutën për armëpushim dhe lirim të pengjeve në Gazë

orban

Orban fitoi në Hungari, por jo aq sa pritej

antoni blinken

Blinken në turne diplomatik për të siguruar armëpushim në Gazë

cdu csu ursula fon der leyen

Unioni CDU/CSU fiton zgjedhjet për PE në Gjermani, partitë në pushtet një rënie shumë serioze

Gaza

Numri i palestinezëve të vdekur në Gaza është rritur në 36,731

gjermani-kufi

Gjermania autorizon kontrolle kufitare përpara Euro 2024

Mette Frederiksen 1

Sulmohet kryeministrja e Danimarkës, një burrë e qëllon me grusht në rrugë, ja si paraqitet gjendja e saj

INFO

NA NDIQ