OBSH e quan tërmetin në Turqi dhe Siri si fatkeqësinë më të rëndë natyrore prej një shekulli. Bilanci tragjik i numrit të viktimave shkon në 50.000.
Tri javë pas tërmetit shkatërrues në rajonin kufitar turko-sirian numri i të vdekurve është rritur në mbi 50,000 vetë. Sipas numërimit të bazuar në të dhënat e autoriteteve turke dhe siriane tërmeti me magnitudë 7.8 i datës 6 shkurt ka shkaktuar deri tani 44,374 të vdekur në Turqi dhe 5,951 në Siri.
OBSH: Fatkeqësia më e rëndë natyrore që prej një shekulli
close
volume_off
Organizata Botërore e Shëndetësisë (OBSH) e ka klasifikuar tërmetin e 6 shkurtit si “katastrofën më të rëndë natyrore” që prej një shekulli në Evropë.
Ditët e fundit ka pasur disa goditje pasuese të rënda.
Prej tërmetit humbën shtëpitë e tyre miliona vetë. Sipas vlerësimeve të Bankës Botërore vetëm në Turqi dëmet materialeshkojnë në më shumë se 34 miliardë dollarë.
Po ashtu sipas Bankës Botërore pritet që si pasojë e tërmetit do të ketë edhe ndërprerje në aktivitetin ekonomik të vendit gjë që do të ketë efekte negative në prodhimin e brendshëm bruto.
Në Stamboll po evakuohen spitale për shkak të defekteve në ndërtim
Në metropolin e Stambollit ka nisur evakuimi i dy spitaleve për shkak të mungesës së sigurisë prej tërmetit.
Pacientët e spitalit shtetëror Kagithane do të transferohen në një spital në lagjen Sisli, tha në Hatay ministri i Shëndetësisë Fahrettin Koca. Evakuimi do të përfundojë brenda pak ditësh. Edhe Spitali Universitar i Stambollit Cerrahpasa po evakuohet./DW
