Sanksionet e SHBA-së kundër “Lukoil”-it, të cilat çuan në vendimin e kompanisë për të shitur degët e saj në disa vende, përfshirë “Lukoil Maqedoni”, nuk do të shkaktojnë probleme me furnizimin me derivate të naftës – thotë kreu i Komisionit Rregullator të Energjetikës, Marko Bislimovski.
“Në Maqedoni, shumica, rreth 80% e më shumë, e sasive të furnizuara vijnë nga Greqia, pastaj diçka për shkak të “Lukoil”, rreth 7-8% vijnë nga Bullgaria dhe kaq. Pra, Maqedonia nuk do të preket në asnjë mënyrë nga këto sanksione”, tha Marko Bislimovski, kryetar i Komisionit Rregullator të Energjetikës.
Qeveria thotë se furnizimi me derivate të naftës do të mbetet i qëndrueshëm, mund të ketë vetëm rritje të lehtë të çmimeve.
“Në të ardhmen, nëse sanksionet kundër “Lukoil”-it forcohen globalisht dhe pranohen nga BE-ja, do të jetë e nevojshme të monitorohen efektet mbi kompanitë lokale në vend, nëse do të ketë ngrirje të aseteve, kufizime në rrjetet logjistike apo ndryshime në pjesën e kompanisë në tregun vendor. Prandaj, furnizimi i derivateve të naftës do të mbetet i qëndrueshëm, çmimet mund të kenë rritje të vogël, por nuk do të ketë ç’ rregullime të mëdha, për shkak të gamës së alternativave të importit”, njoftojnë nga Qeveria.
“Gunvor” është kompani 25-vjeçare. Pronari konsiderohet si një nga biznesmenët më të afërt të Vladimir Putinit. Ka fituar popullaritet si tregtari më i madh i naftës ruse në botë. /Alsat.mk
