Përfaqësuesit e Qeverisë dhe anëtarët e Komisionit për ndërtimin e korridoreve 8 dhe 10-d do të paraqesin dokumentacionin dhe detajet e kontratës për ndërtimin e këtyre dy korridoreve, në një procedurë të përshtatshme parlamentare, njoftoi Qeveria e Maqedonisë së Veriut.
Zëvendëskryeministri për çështje ekonomike, Fatmir Bytyqi theksoi për TV21 se ndërtimi i seksioneve të korridoreve 8 dhe 10D janë me interes strategjik për shtetin dhe është investimi më i madh në infrastrukturë në shtet.
Ai theksoi se 51 për qind nga vlera e projektit prej 1,3 miliardë euro, përkatësisht 650 milionë euro, do ta marrin kompanitë ndërtimore vendore.
Bytyqi ka komentuar edhe ligjet e reja që duhet të kalojnë në Kuvend për ndërtimin e korridoreve, pasi që sipas tij me këto ligje ka zgjidhe më të mirë, punime më të shpejta dhe kosto më e lirë.(INA)