“Blini dërgesa të humbura për vetëm 123 denarë”, mashtrimi i radhës me emrin e Postës së Maqedonisë

INA
INA

24/01/2024

Në rrjetin social Facebook është shfaqur një faqe e re e rreme “Posta Maqedoni”, nëpërmjet së cilës në mënyrë të rreme qytetarëve u ofrohet të blejnë produkte të shtrenjta të humbura, për çmimin e 123 denarëve.

Nga NP “Posta e Maqedonisë” për A1on, thonë se bëhet fjalë për mashtrim, gjegjësisht faqe të rrejshme në Facebook.

“Ofertë speciale nga Posta e Maqedonisë! Blini kuti të humbura me produkte të ndryshme për vetëm 123 denarë maqedonas. Merrni vetes një sasi të madhe produktesh të larmishme me një çmim modest! Çdo kuti është një sekret i vërtetë, të cilin mund ta zbuloni tani. Nxitoni, vëllimi është i kufizuar! Klikoni linkun për më shumë informacion dhe për të bërë porosinë tuaj”, thuhet në postimin në faqe, të cilin e kanë ndjekur pesëdhjetë qytetarë.

Kjo është përpjekja e dytë e mashtrimit të qytetarëve duke përdorur kompaninë shtetërore, pasi nga fillimi i vitit 2024, një faqe e rreme e Postës kërkonte që qytetarët që kanë porositur produkte të ndryshme të paguanin detyrimin doganor.

Më 5 janar, NP “Posta e Maqedonisë” paralajmëroi publikisht për “informacione të rreme dhe keqpërdorim të emrit të Postës së Maqedonisë së Veriut” duke theksuar se “qytetarët marrin mesazhe në telefon me përmbajtje të pavërtetë”.

Një grup i caktuar qytetarësh kanë marrë SMS mesazhe false dhe disa prej tyre janë bërë viktima pasi kanë dhënë detaje bankare në faqen e rreme, pas së cilës u janë marrë paratë.

Ministria e Punëve të Brendshme njoftoi edhe përmes mediave se po merr masa për zbardhjen e rastit, duke u bërë apel qytetarëve që të mos bien në mashtrime të tilla dhe të mos dërgojnë të dhënat e tyre personale përmes internetit.

Përveç Postës së Maqedonisë, edhe emri i disa kompanive tjera në RMV është shfrytëzuar për të mashtruar qytetarët.

TË FUNDIT

ME TE LEXUARA

LEXO MË SHUMË

grubi ahmeti merko

Dega e BDI-së në Strugë a do ta pranojë Ziadin Selën si bartës të listës së përbashkët për deputetë, flet Shaqiri?

gazmend hoxha tasevski

Policia e Kosovës dhe e Maqedonisë së Veriut bashkë në luftën kundër krimit ndërkufitar

krenar lloga

Lloga: Gjykata të veprojë njëjtë edhe me rastet tjera ku ka pasur shkelje të afateve kushtetuese

Abdush Demiri

Abdush Demiri nga opozita shqiptare u zgjodh anëtar i KSHZ-së

Talat Xhaferi

VLEN: Talat Xhaferi tradhtoi universitetet shqiptare, edhe si kryetar kuvendi, edhe si kryeministër

Kuvendi Parlamenti maqedonise

Parlamenti nuk votoi zgjatjen e vlefshmërisë së pasaportave të vjetra

lirim shabani jusuf ut

Universiteti i Tetovës dhe Agjencia e Barnave dhe Pajisjeve Mjekësore (MALMED), nënshkruan memorandum bashkëpunimi

Oher

Paralajmërime të rrejshme për bombë në disa objekte në Ohër

Mladen cadikovski

Çadikovski në “Poligraf”: Të mos lejojmë të keqpërdoremi, gazetarët të kontrollojnë informacionet që vijnë nga politikanët

INFO

NA NDIQ