Procesi i ndryshimit të markës Twitter në X, të cilin pronari Elon Musk po e kryen prej disa ditësh, nuk po shkon saktësisht sipas planit.
Indonezia ka bllokuar përkohësisht domenin “X.com” për shkak të ligjeve të vendit, të cilat ndalojnë lojërat e fatit dhe pornografinë, shkruan “Cosfone”.
Megjithatë, zyrtarët nuk besojnë se plani i riemërtimit do të dështojë. Problemi ka lindur për shkak se pronarët e mëparshëm të domenit kanë shkelur ligjet e vendit. Me fjalë të tjera, X nuk kontrolloi nëse pronari i mëparshëm kishte thyer ndonjë rregull që mund të çonte në një ndalim kombëtar.
Besohet se ndalimi nuk do të zgjasë shumë. Nga Indonezia vijnë raporte se X tashmë ka kontaktuar autoritetet dhe po dërgon dokumentacion që Twittero po merr pronësinë e domenit “X.com”. Pra, gjithçka është në sferën e formaliteteve.
Në çdo rast, ky incident është një tjetër tregues se kalimi nga Twitter në X nuk ishte i planifikuar mirë. Meta, Microsoft dhe një numër kompanish të tjera tashmë zotërojnë markën X, duke treguar potencialisht një numër betejash të mundshme gjyqësore.
