Bogoev: Jam i sigurt për një fitore të dyfishtë në zgjedhjet e Frontit Evropian

ina-online
ina-online

03/12/2023

“Duke marrë parasysh rezultatet e arritura të Qeverisë së udhëhequr nga LSDM-ja nga viti 2017 e deri më sot, jam i sigurt për një fitore të dyfishtë në zgjedhje, në frontin evropian”, thotë në një intervistë për “24Info”, nënkryetari i LSDM-së, Stefan Bogoev.

“Kemi premtuar rrogë mesatare prej 600 euro, për momentin rroga mesatare është më e lartë se kaq. Pensionin mesatar e kemi rritur me 50%, ndërsa pagën minimale e kemi rritur me 100%. Synimi i LSDM-së është standard më i mirë i jetesës për qytetarët, andaj në kushtet e krizës, në tre vitet e fundit, përmes nëntë paketave të masave kundër krizës, qytetarëve dhe kompanive iu kthyem 2.6 miliardë euro. . Sa për krahasim, Qeveria e udhëhequr nga LSDM-ja me pakon e fundit të masave kundër krizës u ktheu qytetarëve dhe kompanive 662 milionë euro, po aq para shpenzoi edhe qeveria e udhëhequr nga OBRM-PDUKM me projektin “Shkupi 2014” për stiropor. Jam i sigurt se qytetarët e njohin këtë dallim, tha Bogoev.

Nënkryetari thekson se në zgjedhje qytetarët do të vendosin mes dy koncepteve, njëri i udhëhequr nga LSDM-ja që çon në evropianizim dhe i dyti i udhëhequr nga OBRM-PDUKM-ja dhe e majta që çon në izolim.

“Gjatë zgjedhjeve, qytetarët do të duhet të vendosin mes dy koncepteve. Njëra, e udhëhequr nga LSDM-ja, e cila çon në evropianizim dhe tjetra e udhëhequr nga OBRM-PDUKM dhe e majta, që çon në izolim. Mënyra evropiane është përgjigja ndaj sfidave me të cilat përballemi sot. Qasja në fondet evropiane nënkupton mekanizim të ri për fermerët, reforma të thella në gjykata dhe prokurori, investime në modernizimin e spitaleve, rrugëve, shkollave dhe kopshteve. Ky koncept nënkupton paga më të larta, pensione dhe një standard më të mirë jetese. Qëllimi përfundimtar i konceptit të evropianizimit është një jetë dinjitoze dhe normale në Maqedoni, më shumë drejtësi, investime dhe vende pune në vend. Koncepti i izolimit të ofruar nga OBRM-PDUKM dhe e majta qëndron në të kundërtën. Gjykata të mbyllura, media të heshtura, rroga dhe pensione të mjerueshme. OBRM-PDUKM-ja dhe e majta duan të na kthejnë në kohën e regjimit të Gruevskit, ku të rinjtë nxirrnin pasaporta bullgare për t’u larguar nga vendi, ne ishim në grindje me fqinjët tanë dhe të izoluar nga bota. Këtë dallim e njohin edhe qytetarët dhe për këtë jam i sigurt për fitore të dyfishtë në zgjedhjet e Frontit Evropian”, thotë nënkryetari i LSDM-së, Stefan Bogoev, në intervistën e sotme për “24Info”.

TË FUNDIT

ME TE LEXUARA

LEXO MË SHUMË

moti-1

Ky është parashikimi i motit për ditën e sotme

sela-taravari

Taravari sfidon Selën: Dilni vetë, unë jam i gatshëm t’i nënshkruaj ato lista që do më sillni dhe do t’i vulosi që të merrni pjesë në zgjedhje!

abazoviq dritan

Abazoviq: Tash shqiptarët në Mal të Zi nuk e ngrisin më flamurin edhe pse kanë të drejtë

Afrim Gashi

Gashi tregon arsyet se pse u bashkua opozita shqiptare

IMG_9532

Sela nga Saraji: Nuk e përkrahim Arben Taravarin për president

Elmi Aziri

Aziri: ASH del e vetme në zgjedhje, kjo çështje do të diskutohet dhe në organet partiake!

Talat Xhaferi

Xhaferi: Maqedonia e Veriut ndërton vlera evropiane të bashkëjetesës, multikulturalizmit dhe multietnicitetit

Arjanit Hoxha ziadin sela zejdi

Si do të shkojë ASH-ja e Selës në zgjedhje? Zejdi është për bllok të gjerë politik, Hoxha i sigurt për koalicion fitues

arber ademi

Ademi: Brenda javës i unifikojmë pagat e profesorëve

INFO

NA NDIQ